Af dónum

Mér finnst þingsköp vera dónalegt orð

Af nýju frelsi og nýrri hamingju

En fólk sem hitti mig bæði fyrir og eftir 1. apríl hefur haft orð á því hve miklu léttara sé yfir mér. Líkt og einhver sem er laus úr ánuð eða slæmu hjónabandi.
Mér líður líka betur, mun betur.

Og ég er orðin sjúklega góð í Guitar Hero!

Af getnaðarlimum

en einn slíkan væri stundum gott að hafa. Þeir færa manni aukna virðingu og undirgefni. Í gær snappaði á mig sérfræðingur sem er svo lánsamur að á milli loðinna læra hans, lafir einn af þessum prýðilegu getnaðarlimum. Vegna þessa getnaðarlims halda viðstaddir nú að ég sé fáviti sem hljóti að hafa keypt læknaprófið mitt með kókópöffs pakka, þrátt fyrir að eigandi getnaðarlimsins hafi haft SVO æpandi rangt fyrir sér enda hafði vandamálið sáralítið með brotna beinenda að gera en það er einmitt sérgrein áfestu getnaðarlimsins. Ef maður er með getnaðarlim þá kemst maður nefnilega upp með að bulla alls kyns vitleysu á valdsmannlegan hátt og uppskera lof og virðingu fyrir.
Kannski maður pulli bara reverse Völu á þetta!

Annars er búið að vera sjúklega gaman á bæklun ... var ég ekki örugglega búin að segja frá því?! Nei ég er að djóka, of course! Það komu actually moment í þessum mánuði þar sem geðdeyfðarlægðin var orðin það djúp að mér fannst ég geta verið veik heima. Þegar það hafði akkúrat engan tilgang að fara á fætur, nærast, klæðast eða framkvæma aðra basic hluti. Ég veit ég er dramatísk en svona var þetta nú samt. En nú eru tveir dagar eftir af erfiðistu afplánun lífs míns og ég held mér takist þetta.
Komst ég frá þessu með sóma? Nei. Bókað ekki. Á köflum var ábyggilega verra að hafa mig þarna heldur en engan. But I really don´t care!

Af sms-um

Hér er smá sýnishorn af sms-um sem gengu á milli okkar Árdísar áðan:

-Árdís: Geri tad e. smá. Er á leidinni a selfoss með tengdo. Vona ad hann rati. Fæ konsult ef við villumst ....
-Allý: Hey! Tessi var fyrir nedan beltisstad! Hver var a kortinu?!
-Árdís: Hver var með GPS ..... ? Sælir nuna hvad mer finnst tetta gott grin! Helt ad enginn væri ver attadur en eg ... shit eg er an grins ad hlæja upphatt herna i framsætinu

Forsagan er sú að við Árdís lögðum af stað frá Selfossi á hádegi í gær og vorum komnar í Brekkuskóg, (40 km) rúmlega 3, og þá búnar að keyra umhverfis Þingvallavatn x 2!! Skilin á milli hláturs og gráturs voru mjög þunn. Sérstaklega á momentinu þar sem ég var að tala við Hildi í símann og hún var að spyrja hvort ég væri búin að keyra í gegnum Laugavatn, og ég svaraði nei, en hvort ég væri þá búin að keyra framhjá Borg í Grímsnesi, og ég svaraði nei, og hún spurði hvar við værum þá eiginlega og ég svaraði: það skiptir ekki máli! Frekar en að segja að ég væri á einhverju túrista info pleisi á fokking Þingvöllum!!
En sjitt hvað við erum búnar að hlæja að þessu. Og ég fékk fullt af rokkstigum fyrir að fara í sightseeing með Árdísi litlu!

Bloggleiði

Ég er komin með ógeðslegt leið á bloggi. Mínu, sem og annara. Nenni hvorki að lesa blogg lengur né grípur mig sama þörf til að blogga og áður.
Kannski verður luxeraður haus ei meir og það á sama tíma og ég er á bæklun! Tilviljun?!

Af öldruðum

Mjög aldraðir einstaklingar sem jafnframt eru mjög ernir eru krúttlegasta fólk sem ég rekst á. Krúttlegri en ungabörn, ég sver það!

Af málfrelsi

Ég er algjörlega fylgjandi málfrelsi, nema þegar kemur að vitleysingum. Þeir eiga ekki að hafa málfrelsi né prentfrelsi! Og þannig er nú bara það!

Af bangsaplágu

Ég held ég hafi einhvern tímann verið búin að blogga um bangsahelvítið Kolbein sem Ingvar tók með sér heim x 2 helgar á ári frá því hann var í 6 ára bekk. Með þessum óláns bangsa fylgdi dagbók þar sem fjölskyldan skyldi fylla út hvað á daga Kolbeins hafði drifið. Eftir því sem leið á veturinn urðu ævintýri Kolbeins meiri og meiri þar sem hver fjölskylda þurfti að slá út þá síðustu í activity. Kolbeinn brá sér á Esjuna og á skíði og í Bláa Lónið og í leikhús og í bíó og sund og afmæli, allt sömu helgina. Okkur fannst þetta svo plebbalegt að það var að ganga af okkur dauðum að þurfa að taka þátt í þessu. Dodda datt í hug að gera suicide note frá Kolbeini í bókina síðast þegar við fengum hann.
-Of mikið álag, get ekki meir, ætla að drepa mig, kær kveðja, Kolbeinn.

Í dag fengum við svo glaðning heim með Ester af leikskólanum, nefnilega bangsann Maríu og dagbókina hennar. María er nú þegar búin að fara í Krónuna svo það stefnir í æsilega helgi hjá henni. Doddi nefndi það við leikskólakennarann að nú þyrfti að setja allt á fullt til að þetta yrði sem æsilegast og þá sagði gellann að hún hefði stundum verið að lesa upp sögurnar úr bókinni fyrir krakkana eftir helgarnar og þá hefði barnið sem fór með bangsann heim leiðrétt hana. Þá hafði alls ekki allt verið gert sem hafði verið skrifað!! Hvað er eiginlega að! Er fólk að tryllast úr heimsku og meting og fyrir hvern er verið að sýnast?!
Ég spái því að María fái flensu um helgina og verði mest í rúminu.

Af áhyggjum

Rúv greindi frá því í kvöldfréttum að óttast sé að 800 fm ókláraður sumarbústaður sem Sigurður Einarsson kenndur við Kaupþing hóf að reisa sér í fyrrahaust, lægi nú undir skemmdum. Af öllum þeim mannlegu hörmungum sem greint hefur verið frá í kreppunni er fátt sem hefur valdið mér jafn miklum óhug. Í hvaða sumarbústað eiga krakkarnir hans Sigga nú að spila innanhússknattspyrnu?

Af meintu tískuslysi

Hvernig er hægt að kalla þetta outfit Heidi Klum tískuslys??!! Mér finnst hún friggin fabulous í þessu dressi! Hvar fæ ég svona? Langar að kaupa.